პროექტის ,,კულტურულ-საგანმანათლებლო პროგრამა ფშავში" (ფინანსური მხარდამჭერი ევროპული ფონდი HORIZON) მორიგი ღონისძიება ჩატარდა 2010 წლის 11 ივნისს.
 ,,კავკასიური სახლის" ხელმძღვანელი მწერალი ნაირა გელაშვილი, თანამშრომლები, ,,სახლთან" არსებული ,,შაბათ-კვირის სკოლის" სხვადასხვა ნაკადის რამდენიმე მოსწავლესთან ერთად ეწვივნენ ფშავის შუაფხოს სკოლის მოსწავლეებსა და პედკოლექტივს.
 სტუმრებმა ბავშვებს ჩაუტანეს ტკბილეული და სპეციალურად შუაფხოს სკოლის ბიბლიოთეკისათვის ნაყიდი რამდენიმე ათეული წიგნი: მხატვრული, სამეცნიერო და ა.შ. ჟანრის ლიტერატურა.
 ,,კავკასიური სახლის" შაბათ-კვირის სკოლის მოსწავლეებმა მასპინძლებს: შუაფხოს სკოლის მოსწავლეებს, მასწავლებლებს და მშობლებს უჩვენეს თავიანთი გადაღებული მოკლემეტრაჟიანი მხატვრული ფილმები და კონცერტი  - მათივე ცოცხალი შესრულებით.
 სადღესასწაულო სუფრის შემდეგ მოეწყო ერთობლივი ექსკურსია ფშავის ღირსშესანიშნავი ადგილების დასათვალიერებლად.
 ორივე მხარემ გამოთქვა დიდი სურვილი, მომავალშიც გაგრძელდეს ამგვარი შეხვედრები და ურთიერთთანამშრომლობა.